Sjálfvirkar ákvarðanir

Með Snjallákvörðun geta fyrirtæki tekið sjálfvirkar ákvarðanir um viðskiptasambönd sín. Fyrirtæki velja þau gögn og viðmið sem þau vilja nota við sína ákvarðanatöku og sérfræðingar Creditinfo sjá um uppsetningu og ráðgjöf eftir þörfum. Snjallákvarðanir eru að lokum aðgengilegar á þjónustuvef Creditinfo og í vefþjónustu, þar sem starfsmenn geta framkvæmt mat á viðskiptavinum á augabragði.

1. Að framkvæma mat

Starfsmaður fyrirtækis fer inn á þjónustuvefinn og flettir þar upp nafni eða kennitölu aðila sem hefur sótt um reikningsviðskipti og velur að framkvæma matið.

2. Að skoða niðurstöður

Niðurstöður úr matinu byggja á þeim gögnum og viðmiðum sem fyrirtækið hefur valið. Í þessu dæmi er aðilum skipt upp Reikningsviðskipti Gull, Silfur eða Staðgreitt. Notast er við eftirfarandi viðmið:

• Fjárhæð. Ef áætluð viðskipti aðila eru meiri en 500.000 kr. á mánuði þá eru gerðar ríkari kröfur til viðkomandi, þ.e. þarf að standast skilyrði í flokki Gull-flokki.
• Prókúra. Skilyrði fyrir reikningsviðskiptum er að umsækjandi sé með prókúru fyrir félagið, sem er sótt til Fyrirtækjaskrár.
• Lánshæfismat. Aðilar sem eru með gott lánshæfismat fara í Gull eða Silfur eftir atvikum, en þeir sem eru með 6 eða lakari einkunn verða að staðgreiða vörur.
• Aldur fyrirtækis. Stofndagsetning félags er sótt til fyrirtækjaskráar og er miðað við að félag þurfi að vera eldra en 1 árs til að fara í reikningsviðskipti og 5 ára til að komast í Gull-flokk.
• EBITDA. Upplýsingar um EBITDA er sóttar úr ársreikningum félagsins sem þarf að vera meiri en 0 til að komast í reikningsviðskipti

3. Unnið með niðurstöður

Starfsmaður hefur möguleika á að breyta ákvörðun Snjallákvörðunnar en það er þó ávallt mjög skýrt þegar niðurstöður er skoðaðar að þeim hafi verið breytt og af hvaða starfsmanni.

Sveigjanleiki

Fyrirtæki geta notað sín eigin gögn og/eða fengið aðgang að gögnum Creditinfo til að meta viðskiptavini sína. Dæmi um gögn sem hægt er að nota er lánshæfismat, vanskil og upplýsingar úr Fyrirtækjaskrá og Þjóðskrá.

Rekjanleiki

Notkun á Snjallákvörðunum stuðlar að samræmi í ákvarðanatöku, þar sem allar ákvarðanir eru teknar út frá sömu forsendum og eru jafnframt rekjanlegar.

Tímasparnaður

Með Snjallákvörðun getur fyrirtækið metið aðila á augabragði í stað þess að eyða tíma í gagnaöflun og úrlestur.