Nýsköpun og sjálfbærni

Í sex ár hefur Creditinfo veitt hvatningarverðlaun fyrir nýsköpun og sjálfbærni þeim fyrirtækjum sem þykja skara fram úr á þeim sviðum í hópi Framúrskarandi fyrirtækja. Málaflokkarnir eru okkur mikilvægir og við trúum því að öll Framúrskarandi fyrirtæki þurfi að huga að bæði nýsköpun og sjálfbærni með markvissum hætti. Hvatningarverðlaununum er því ætlað að draga fram fyrirmyndirnar sem geta verið öðrum hvatning á þessum sviðum. Verðlaunin eru veitt á sama tíma og listinn er gerður opinber ár hvert.

Hvatningarverðlaun Creditinfo og Klak, Icelandic Startups fyrir Framúrskarandi nýsköpun 2023 — Héðinn hf.

Árið 2023 hlýtur Héðinn hf. hvatningarverðlaun Creditinfo fyrir framúrskarandi nýsköpun.

Í dómnefnd sátu: Ásta Sóllilja Guðmundsdóttir, framkvæmdastjóri Klak, Guðmundur Hafsteinsson, fjárfestir og stjórnarformaður Icelandair Group og Ásthildur Otharsdóttir, meðeigandi og fjárfestingastjóri hjá Frumtak Ventures.

Héðinn hf er leiðandi fyrirtæki í málmiðnaði og véltækni og sinnir fjölbreyttri þjónustu við sjávarútveg, stóriðjufyrirtæki og orkuframleiðendur innanlands og utan. Félagið var stofnað árið 1922 og fagnaði því 100 ára afmæli í fyrra. Í umsögn dómnefndar kemur fram að Héðinn hf. hafi frá upphafi stundað nýsköpun af krafti. „Sem dæmi má nefna að Héðinn reisti fyrstu íslensku síldarverksmiðjuna á Seyðisfirði árið 1936 og árið 1951 þróaði fyrirtækið og framleiddi fyrstu íslensku heimilisþvottavélina, Mjöll, í samvinnu við Rafha. Héðinn tók þátt í að þróa og smíða nýja og nútímalega sorpeyðingarstöð á Suðurnesjum sem var opnuð árið 2004.“

Meira um verðlaunin á blogg.creditinfo.is

Hvatningarverðlaun Creditinfo og Festu fyrir framúrskarandi sjálfbærni 2023 — Össur hf.

Árið 2023 hlýtur Össur hf. verðlaun fyrir framúrskarandi árangur á sviði sjálfbærni.

Í dómefnd sátu Þórólfur Nielsen, forstöðumaður stefnumótunar og sjálfbærni hjá Landsvirkjun, Bryndís Björk Ásgeirsdóttir forseti samfélagssviðs hjá Háskólanum í Reykjavík, Erla Tryggvadóttir, samskiptastjóri VÍS og Finnur Ricart Andrason, sérfræðingur hjá Umhverfisstofnun og forseti UU.

Í umsögn dómnefndar kemur fram að Össur hafi um árabil látið sig sjálbærni varða og er í fararbroddi, hvort sem litið er til umhverfismála, samfélagsmála eða stjórnarhátta.

Meira um verðlaunin á blogg.creditinfo.is