Frá því að Ísland komst á gráan lista samtakanna Financial Action Task Force (FATF) yfir ríki sem hafa ekki nægar varnir gegn peningaþvætti hafa íslensk yfirvöld og fyrirtæki gripið til yfirgripsmikilla aðgerða til að bæta ferla sína. Með hjálp Creditinfo hafa fjölmargir tilkynningaskyldir aðilar unnið áreiðanleikakannanir með áreiðanlegum upplýsingum svo þeir þekki deili á sínum viðskiptavinum.   

Líkt og tilkynningarskyldum aðilum er kunnugt er nauðsynlegt að kanna upplýsingar um þá einstaklinga sem standa að baki fyrirtækjum áður en viðskiptasamband hefst. Það er þó ekki fullnægjandi að kanna upplýsingar um viðskiptavini einungis þegar viðskiptasamband hefst heldur er mikilvægt að halda uppi reglubundnu eftirliti með viðskiptavinum og tengslum þeirra.

Fyrirtækjavakt Creditinfo

Allir áskrifendur Creditinfo hafa aðgang að Fyrirtækjavakt Creditinfo. Með Fyrirtækjavakt Creditinfo er hægt að fylgjast með breytingum sem eiga sér stað á upplýsingum um tiltekin fyrirtæki, t.d. skil á nýjum ársreikningi, breytingar á stjórn félags eða breytingar á eignarhaldi. Slíkar upplýsingar eru nauðsynlegar til að fylgjast vel með þínum viðskiptavinum svo hægt sé að uppfylla kröfur um áreiðanleikakönnun viðskiptavina þinna. Aðgangur að Fyrirtækjavaktinni á þjónustuvef Creditinfo er gjaldfrjáls hluti af áskrift að kerfum Creditinfo. Nánari leiðbeiningar um Fyrirtækjavaktina er að finna hér.

Hér fyrir neðan er yfirlit yfir þær upplýsingar sem Fyrirtækjavakt Creditinfo vaktar:

• Nýr ársreikningur
• Breyting á endanlegum eigendum ef eignahlutur fer undir eða yfir 25% í viðkomandi félagi
• Breytingar á stjórn
• Breytingar á framkvæmdastjórn
• Breyting á nafni fyrirtækis
• Breyting á lögheimili
• Breytingar á eignarhaldi
• Nýr eignarhlutur fyrirtækis
• Breytingar á prókúru
• Athugasemdir við skráningu í hlutafélagaskrá

Fyrirtækjavakt í vefþjónustu

Viðskiptavinum Creditinfo býðst að nálgast fyrirtækjavakt í vefþjónustu (API) og tengt þannig upplýsingar um breytingar á högum sinna viðskiptavina í eigin kerfi. Slík þjónusta gagnast sérstaklega tilkynningarskyldum aðilum sem þurfa, lögum samkvæmt, að „uppfæra upplýsingar um viðskiptamenn reglulega“ til að uppfylla kröfur vegna laga gegn peningaþvætti og fjármögnun hryðjuverka. Nánari upplýsingar um verð fyrir vefþjónustutengingu við Fyrirtækjavakt Creditinfo er að finna í verðskrá.

Hægt er að nálgast vefþjónustuskjölun hér

Hafðu samband ef þú vilt frekari upplýsingar um Fyrirtækjavakt Creditinfo eða aðrar vörur.