Fjölmiðlavakt Creditinfo hefur birt vikulega upplýsingar um tíðni frétta af stofnunum og fyrirtækjum í íslenskum fjölmiðlum í Viðskiptablaðinu. Í Áramótablaði Viðskiptablaðsins sem kom út nú á dögunum var farið yfir hvaða fyrirtæki og stofnanir voru mest í fréttum árið 2019.

Líkt og fyrri ár eru stjórnmálin fyrirferðamikil í fréttum. Sjálfstæðisflokkurinn vermir efsta sætið yfir þau félög/stofnanir sem voru mest í fréttum árið 2019 með samtals 16.467 fréttir. Þar á eftir kemur Alþingi með 12.344 fréttir og svo Vinstrihreyfingin-Grænt framboð með 11.777 fréttir. Hér fyrir neðan er yfirlit yfir þau 20 félög sem voru mest í fréttum árið 2019:

Þegar listinn er þrengdur niður í fyrirtæki (nánar tiltekið ársreikningaskyld félög) kemur í ljós að flugfélögin WOW Air og Icelandair voru fyrirferðamest í umræðu fjölmiðla árið 2019. Samtals voru fluttar 5.431 frétt um WOW Air og 3.514 fréttir um Icelandair árið 2019. Til samanburðar voru fluttar 3.080 fréttir um WOW Air árið 2018 og 3.422 fréttir um Icelandair. Hér fyrir neðan er yfirlit yfir þau 20 fyrirtæki sem voru mest í fréttum árið 2019:

Vilt þú vita hvernig fjallað var um þitt fyrirtæki á árinu sem var að líða? Kynntu þér fjölmiðlaskýrslu Creditinfo.